Dëmtimi i Fury prish planet e supersfidës

Përballja e shumë pritur për unifikimin e titujve botëror për peshat e rënda, mes Tayson Fury dhe Oleksandr Usyk mund të zhvillohet gjatë muajit Shkurt në Arabinë Saudite. Ka qenë boksieri ukrainasit, ai që ka zbuluar gjithçka, teksa ka pranuar se ende mbetet për tu përcaktuar data e eventit.

“Isha gati të luftoja me datë 23 Dhjetor, por meqë Fury mori disa lëndime, sfida ndoshta do të shtyhet për në vitin e ardhshëm. Mund të jetë në Shkurt dhe do të doja të ishte kështu. Thjesht do të bëj më shumë punë teknike. Kam më shumë kohë për disa stërvitje shtesë dhe kaq. Unë nuk mendoj fare për Fury. Mendoj për veten time, ekipin dhe familjen. Nuk kam nevojë të mendoj për kundërshtarin tim. Mendoj vetëm ringun, të luftoj dhe kaq.”