Dita e ndeshjes: Borussuia Dortmund pret PSG-në në ndeshjen e parë gjysmëfinale në Signal Iduna Park

Borussia Dortmund është nikoqir i Paris Saint Germain në gjysmëfinalen e dytë në Ligën e Kampionëve, pasi e para u zhvillua të martën mbrëma në Allianz Arena mes Bayern Munich dhe Real Madrid.

Do të jetë një sfidë jashtëzakonisht interesante mes Dortmund dhe PSG-së, pasi dy skuadrat kanë shkaktuar befasi për të ardhur deri në këtë pikë.

Verdhezinjtë eliminuan Atletico Madridin, derisa parisienët gjigantin katalunas Barcelonën.

⭐️ Morgen um diese Zeit! Halbfinale in Dortmund! Hier regiert der BVB! 🏟️🔥#BVBPSG #UCL pic.twitter.com/yNtZKW9O7K

— Borussia Dortmund (@BVB) April 30, 2024

Në fakt përballja mes Dortmund dhe PSG sonte do të jetë e treta këtë edicion mes dy skuadrave që ishin në një grup të njëjtë.

PSG kishte fituar takimin në Parc de Princes 2-0, derisa ndeshja në Signal Iduna Park përfundoi baras 1-1.

Gjithsesi tani është ndryshe pasi dy skuadrat nuk kanë më se çfarë të kalkulojnë dhe duan me çdo kusht kalimin në finale. /Telegrafi/