Është 32 vjeçar dhe vazhdon të luajë në Ligën Premier – Townsend shokon me ushqimin e neveritshëm që e konsumon

Ylli i Luton Town, Andros Townsend zbuloi se ha këmbët e pulës çdo natë për darkë.

Anglezi është ende duke luajtur në Ligën Premier në moshën 32-vjeçare dhe beson se ka zbuluar sekretin e këtij suksesi.

Anësori sugjeroi se kjo mund të jetë për shkak të zakoneve të tij të veçanta diete.

Ish-lojtari i Anglisë i zien këmbët e pulës me avull çdo natë për shkak të kolagjenit, i cili është përgjegjës për nyje të shëndetshme, si dhe për elasticitetin e lëkurës.

Townsend tha për Ben Foster’s Fozcast: “Çdo natë për darkë ha këmbë pule. Këmbë pule të ziera në avull”.

“Të betohem se i bëjë çdo natë, sepse kolagjeni në këmbët e pulës, aty është kërci. Në thelb ka aq shumë benifite nga to, sa tani e vendosin në pilula dhe në injeksione”.

“Pilula ditore që merrni në stërvitje janë kryesisht nga këmbët e pulës.

Foster e pyeti Townsend nga i merr këmbët e pulës dhe ish-ylli i Tottenhamit u përgjigj: “Online. Po, e porosis si tufa masive. Vjen i ngrirë. Mund t’i zieni, i gatuaj në avull, i vendos në furrë me avull, 20 minuta dhe është e gatshme.

“Sinqerisht, është si krahu i pulës, por një këmbë pule. Padyshim që nuk e hani kockën, por duhet të hani sa më shumë kërc dhe sa më afër kockës”, vazhdoi Townsend. /Telegrafi/