Fitojnë Bayern dhe Leverkusen

Bayern Munich fitoi edhe takimin e javës së tretë të Bundesligës. Kampionët në fuqi triumfuan me përmbysje në transfertë kundër M’Gladbach me rezultatin 1-2.

Në “Borusia Park”, Itakura kaloi vendasit në avantazh në minutën e 30 të lojës. Por në pjesën e dytë, skuadra e drejtuar nga Tuchel ishte më kërkuese.

Sane barazoi rezultatin në minutën e 58 të lojës. Golin që vulosi fitoren e Bajernit e realizoi Tel tre minuta nga fundi i kohës së rregullt.

Edhe Bayer Leverkusen fitoi në “BayArena” në sfidën kundër Darmstad me rezultatin 5-1. Në fushë në këtë sukses nga minuta e parë edhe Granit Xhaka, i cili u ndëshkua me karton të verdhë, ndërsa u zëvendësua në minutën e 80 të lojës.

Edhe Stutgart fitoi me manita kundër Freiburgut, kurse Bremen mposhti Mainz 4-0. Fitore mori edhe Hofenheimi ndaj Volsburgut, kurse Ausburgu barazoi 2-2 ndaj Bochum.

Klan News

Të ngjashme