Gazetarët e pyesin për masën ndaj Sali Berishës, përgjigjet kreu i SPAK: Unë do të firmos vetëm…

Kreu i SPAK, Altin Dumani, gjatë një komunikimi që pati sot me gazetarët, ndër të tjera u pyet edhe në lidhje me kërkesën për ashpërsimin e masës për Sali Berishën, që pritet të miratohet nga Kuvendi e më pas Prokuroria e Posaçme e ka rrugën e hapur.

“Mbetet në vlerësimin e prokurorëve të çështjes”, ka deklaruar ai.

Siç raporton për BalkanWeb gazetarja Klodiana Lala, Dumani nuk ka dhënë më tepër detaje, nëse prokurorët e çështjes do të kërkojnë masën ‘arrest shtëpie’, apo ‘arrest me burg’.

Ai tha se çështja u përket prokurorëve dhe se ai do të firmosë vetëm shkresën përcjellëse, si kreu i SPAK.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb