Humbi drejtimin e kamionit dhe u përplas me disa mjete të parkuara, 1 i lënduar, arrestohet shoferi

Një 29-vjeçar u arrestua nga Policia pasi shkaktoi një aksident në aksin Palasë-Dhërmi.

Sipas policisë, A. A., 29 vjeç, banues në Tiranë, humbi drejtimin e kamionit që drejtonte dhe është përplasur me disa automjete të parkuara, me një kontenier dhe me automjetin me drejtues shtetasin I. R., i cili ndodhet në spital, jashtë rrezikut për jetën

Njoftimi i policisë:

Drejtoria Vendore e Policisë Vlorë

Sektori i Policisë Rrugore i DVP Vlorë arrestoi në flagrancë shtetasin A. A., 29 vjeç, banues në Tiranë, pasi ditën e djeshme, në aksin rrugor “Palasë-Dhërmi”, duke drejtuar një mjet kamion, dyshohet se ka humbur kontrollin mbi drejtimin e tij. Si pasojë, kamioni është përplasur me disa automjete të parkuara, me një kontenier dhe me automjetin me drejtues shtetasin I. R., i cili ndodhet në spital, jashtë rrezikut për jetën.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb