I dënuar me 26 muaj burg për vjedhje, kapet shqiptari në Itali

Natën e 16 qershorit, forcat e rendit në Merano arrestuan një shqiptar i cili ishte në arrati që prej vitit 2020. Ai u dënua me dy vjet e dy muaj burg për kryerjen e disa vjedhjeve. Një urdhër arresti ishte lëshuar nga prokuroria publike në Nocera Inferiore, Itali.

Pas hetimeve të plota, efektivët e rendit e gjetën burrin në një apartament në Merano. Ai ishte kthyer në vend që nga viti 2019, viti i dënimit dhe dëbimit të tij të parë.

I arrestuari ishte veçanërisht i njohur në provincat italiane të Napolit, Salerno dhe Benevento për vjedhjet e shtëpive. Kur u arrestua, ai iu dorëzua oficerëve pa rezistencë.

Pas arrestimit, ai u dërgua në një komisariat në Meran dhe më pas u transferua në institucionin korrektues të Bolzanos.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb