Interi ‘gjunjëzon’ Salernitanan dhe vazhdon me hapa të sigurt drejt titullit

Inter ka shënuar fitore me rezultat të thellë 4-0 në shtëpi ndaj Salernitanas, në kuadër të javës së 25-të në elitën e futbollit italian.

“Nerazzurrët” treguan forcën e tyre që nga fillimi i ndeshjes, duke e dominuar atë plotësisht dhe duke mos i lejuar kundërshtarit që të krijojë raste për gol.

Inter kaloi në epërsi në minutën e 17-të me anë të Marcus Thuram, i cili me një goditje të bukur shënon në cepin e djathtë të portës kundërshtare për 1-0.

Marcus Thuram opens the score with a great goal! Fantastic assist from Carlos Augusto! 🇫🇷⚽️ pic.twitter.com/bcLYAFwlvS

— Inter Xtra (@Inter_Xtra) February 16, 2024

Vendasit nuk u ndalën më kaq, dhe dyfishuan rezultatin vetëm dy minuta më vonë me Lautaro Martinez (19’) i cili shënoi për 2-0 nga afërsia pas asistimit të Carlos Augustos.

Lautaro Martinez scores his 20th Serie A goal this season & 99th Serie A goal in total for Inter pic.twitter.com/aVlCbpHtLf

— Nima Tavallaey Roodsari (@NimaTavRood) February 16, 2024

Ata shënuan edhe një herë tjetër, kësaj radhe përmes Denzel Dumfries (40’) i cili shfrytëzoi një gabim fatal të Guillermo Ochoas për të çuar shifrat në 3-0.

Denzel Dumfries with a goal to make it three before half! 🇳🇱⚽️ pic.twitter.com/8VNPFN8p2q

— Inter Xtra (@Inter_Xtra) February 16, 2024

Në fraksionin e dytë të ndeshjes Interi vazhdoi me dominim ku gjeti golin edhe një herë tjetër.

Marko Arnautovic (91’) shënoi për rezultatin përfundimtar 4-0 pas asistimit të Denzel Dumfries.

GOL DI MARKO ARNAUTOVIĆ!
CHE GRANDE CALVACATA DI DENZEL DUMFRIES!!!
📽️ @FootColic pic.twitter.com/4ioe0WY1t8

— Football Report (@FootballReprt) February 16, 2024

Me këtë fitore Interi shkon në kuotën e 63 pikëve në kampionat, dhjetë më shumë se vendi i dytë Juventusi që ka 53 sosh./Telegrafi/