Katër gola dhe spektakël, derbi i Madridit shkon në vazhdime

Atletico Madrid dhe Real Madridi kanë zhvilluar 90 minuta të zjarrta, siç ndodh zakonisht, që u mbyllën me rezultat të barabartë 2-2, e ku fituesi do të mësohet pas vazhdimeve, ose penalltive.

Mbretërit e nisën më mirë ndeshjen, duke krijuar disa raste shumë të mira para portës së Jan Oblak.

Në minutën 11-të ishte Jude Bellingham që goditi shtyllën, ndërsa Vinicius nuk e qëlloi portën e zbrazët.

Në anën tjetër Samuel Lino nuk gaboi në rastin e parë të mirë për Los Colchoneros, duke shënuar për 1-0 në minutën e 39-të.

Samuel Lino’s goal 😍😍😍 pic.twitter.com/juahq9oXig

— Atletico Universe (@atletiuniverse) January 18, 2024

Por në minutën e fundit të kohës së rregullt, ishte Jan Oblak që gaboi në dalje dhe dërgoi një top në portën e tij për 1-1.

Edhe pjesa e dytë, sikurse e para doli të jetë e bukur dhe me gola.

Vendasit sërish morën epërsinë në minutën e 57-ye, me Alvaro Moratan që përfitoi nga një gabim në mbrojtjen e Real Madidit për të shënuar për 2-1.

Álvaro Morata’s goal! 😍pic.twitter.com/cjgRTY3alH

— Atletico Universe (@atletiuniverse) January 18, 2024

Por mbretërit arritën të barazonin në minutën e 82-të, kur Jude Bellingham asistoi bukur te Joselu që shënoi për 2-2.

#CopaDelRey | Así empató el partido Joselu, quien estuvo en la banca hasta el minuto 80.

🔴⚪️Atlético Madrid 2-2 Real Madrid⚪️pic.twitter.com/236kWzlyjL

— El Mejor Equipo (@EUDeportes) January 18, 2024

Deri në fund të dy skuadrat krijuan nga një rast për gol, por që nuk arritën të ndryshonin rezultatin.

Fituesi tashmë do të dihet pas vazhdimeve, ose penalltive, e ku në lojë është një vend në çerekfinale të Kupës së Mbretit. /Telegrafi/