Kur harron ku e ke lënë veturën e 200 mijë eurove – Luke Shaw merr katër tiketa trafiku për parkim të keq

Një makinë e shtrenjtë Lamborghini Urus është parkuar prej ditësh në stacionin e trenit në Mançester (Angli), ku mori gjoba të shumta, ndërsa tani është mësuar se është vetura e yllit të Man United, Luke Shaw.

Shaw “harroi” makinën e tij, ku ndërkohë në xhamin e tij u shfaqën katër bileta parkimi.

Anglezi do të duhet të paguajë rreth 70 euro për secilën nga këto katër gjoba dhe mesa duket do të ketë më shumë gjoba derisa përfaqësuesi i Anglisë të largojë makinën e tij nga vendi ku e ka parkuar ilegalisht Lamborghinin.

England and Manchester United star Luke Shaw racks up £240 in parking tickets after leaving his £180,000 Lamborghini at Wilmslow train station https://t.co/eYI4ewhCvg pic.twitter.com/BS2ajpHEfl

— Daily Mail Online (@MailOnline) January 17, 2024

Fjala vjen, bëhet fjalë për një makinë me vlerë gati 200 mijë euro.

Meqenëse ai fiton 160,000 euro në javë, çdo gjobë sigurisht që nuk do të përbëjë problem financiar për Shaë, i cili aktualisht po rikuperohet nga një dëmtim./Telegrafi/