6 months ago
6
Klubet më të mëdha evropiane tashmë kanë filluar që të planifikojnë buxhetin e tyre për sezonin e ardhshëm, dhe shumë mirë në këtë drejtim duket se ka bërë Liverpooli që po udhëheq garën për të marrë shërbimet e një prej qendërmbrojtësve më premtues të momentit.
Bëhet fjalë për portugezin Goncalo Inacio, lojtar i cili ishte mjaft i kërkuar nga Real Madridi. Në fakt, Juni Calafat, shefi i skautëve të klubit spanjoll, e kishte në listën e tij të dëshirave për afatin veror.
Duke marrë parasysh se Liverpooli tashmë ka bërë një hap para në garën për Inacion, fokusi i Real Madridit është kthyer totalisht tek francezi Leny Yoro.
Sipas asaj që raporton mediumi spanjoll fichajes.net, Liverpooli po mendon që ta paguajë klauzolën e tij të lirimit e cila qëndron në vlerë prej 60 milionë eurosh.
Inacio ka kontratë valide me Sporting Lisbonën deri më 30 qershor të vitit 2027, andaj klubi portugez nuk do ta lejojë me lehtësi largimin e tij këtë verë.
22-vjeçari është paraqitur në 33 ndeshje në të gjitha garat këtë sezon me Sporting Lisbonën duke shënuar katër gola./Telegrafi/
English (US) ·