Me ndihmën e Kinës, Indonezia lëshon trenin e parë prej plumbi në Azinë Juglindore

Pjesë e iniciativës infrastrukturore “Belt and Road” të Kinës dhe financuar kryesisht nga firmat shtetërore kineze, projekti prej 7.3 miliardë dollarësh u hap për publikun të dielën, pas një sërë vonesash dhe pengesash.

Linja hekurudhore e shpejtësisë së lartë prej 138 km, e quajtur zyrtarisht WHOOSH – që do të thotë “kursim në kohë, funksionim optimal, sistem i besueshëm” në indonezisht – funksionon me energji elektrike pa emetim të drejtpërdrejtë të karbonit dhe udhëton me një shpejtësi afërsisht 350 km/h, duke shkurtuar kohën e udhëtimit midis Xhakartës dhe Bandung nga tre orë në më pak se një orë.

I mbikëqyrur nga sipërmarrja e përbashkët shtetërore PT Kereta Cepat Indonesia China (PT KCIC), treni udhëton midis stacionit hekurudhor Halim në Xhakartën Lindore dhe stacionit hekurudhor Padalarang në Bandungun Perëndimor, dhe është i lidhur mirë me sistemet e transportit publik lokal.

Trenat, të modifikuar për klimën tropikale të Indonezisë, janë të pajisur me një sistem sigurie që mund t’i përgjigjet tërmeteve, përmbytjeve dhe kushteve të tjera emergjente, shtuan zyrtarët. Sa i përket projektit, ka bisedime për të zgjatur linjën e shpejtësisë së lartë deri në Surabaya, një port i madh dhe kryeqytet i Provincës Java Lindore, tha drejtori i PT KCIC Dwiyana Slamet Riyadi për mediat shtetërore kineze.

Sipas Dwiyana, gjithashu po planifikohen ndalesa edhe për në qytete të tjera të mëdha si Semarang dhe Yogyakarta, porta për në Borobudur – që është edhe tempulli më i madh budist në botë.

Sipas informacionit të lëshuar nga PT KCIC, hekurudha përmban tetë makina, të gjitha të pajisura me pika karikimi Wi-Fi dhe USB, dhe ulëse për 601 pasagjerë. Do të ketë ulëse të klasit të parë, të dytë dhe VIP.

Indonezia, vendi i katërt më i madh në botë dhe ekonomia më e madhe e Azisë Juglindore, ka kërkuar në mënyrë aktive dhe hapur investime nga Kina, partneri i saj më i madh tregtar dhe investues.

Një takim i profilit të lartë në korrik midis liderëve indonezianë dhe kinezë Joko Widodo dhe Xi Jinping zbuloi një sërë projektesh, duke përfshirë planet për të ndërtuar një fabrikë kineze qelqi miliarda dollarshe në ishullin Rempang në Arkipelagun e Ishujve Riau të Indonezisë.

‘Eko-City’ ka shkaktuar javë të tëra protestash të ashpra nga banorët indigjenë të ishullit që kundërshtonin rrënimin e fshatrave të tyre.

Top Channel