“Opozitar i lindur!”/ Poeti i madh Agim Doçi përcillet sot për në banesën e fundit, Edmond Zhulali: Pengu i vetëm i tij ishte…

Poeti i madh Agim Doçi, i cili ndërroi jetë ditën e djeshme, do të përcillet sot për në banesën e fundit, ndërkohë po zhvillohen homazhet.

Kolegët e tij kanë shprehur vlerësime në lidhje me figurën e tij dhe kontributin që ai ka dhënë në artin shqiptar.

“Ne jemi ata që bashkojmë njerëzit. Agim ishte njeri i rrallë. Koha që një njeri i takonte të konsumonte me Agimin ishte e jashtëzakonshme. Krijonte atmosferë me guximin, humorin. Kam kaluar shumë kohë me të. Na lidhte arti, ideja për t’i dhuruar popullit këngë sa më të bukura dhe pikëpamjet tona. Artisti është një opozitar i përjetshëm, siç ishte edhe Agimi.

Për mendimin tim pengu i Agimit ishte thënia e të vërtetës. Fliste hapur pa doreza, mendonte me gojë. Nuk mendonte gjatë apo të mos kishte guximin ta thoshte. Ishte i vërtetë”, Edmond Zhulali.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb