“Për ne shqiptarët, Amerika është Amerikë”, Rama flet nga Budapesti për Presidentin e SHBA: Kushdo që është në Shtëpinë e Bardhë nuk ka dallim. Kur Trump u zgjodh herën e parë…

Kryeministri Edi Rama ka folur në Budapest për zgjedhjen e Donald Trump president të SHBA-së për herë të dytë. Rama ka thënë se për Shqiptarët, SHBA-ja është SHBA dhe se s’bën dallim se kush drejton Shtëpinë e Bardhë.

Rama ka thënë se shqiptarët janë komuniteti më pro-amerikan në Evropë.

“Për Shqipërinë s’do të thotë asgjë në sensin që s’ndryshon asgjë. Kushdo që është në Shtëpi të Bardhë s’bën dallim meqë SHBA është SHBA. Ne s’jemi të ndikuar nga emocionet, për shkak se për ne është e njëjtë”, ka thënë Rama.

Kreu i qeverisë deklaroi më tej se kur Trump ishte zgjedhur për herë të parë president i SHBA, të gjithë ishin frikësuar, megjithatë thotë se gjatë asaj periudhe, NATO ishte bërë edhe më e fortë. Rama ka deklaruar se ardhja e Trump s’duhet të shihet si diçka negative, përkundrazi duhet të shihet si një mundësi mbase për t’i bërë gjërat edhe më mirë.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb