Parisienët mundën Toulouse me rezultatin 2-0 dhe ngritën për herë të 12 trofeun e rëndësishëm
PSG mundi Toulouse 2-0 dhe fiton për të 12-ën herë në histori Superkupën e Francës.
Parisienët e gjetën golin e parë shumë shpejt, pas vetëm tri minutash lojë falë koreanit Kang-In Lee.
Tuluz i’u afrua barazimit me Suazon në të 18’.
Një minut nga fundi i pjesës së parë, Kilian Mbape shënoi golin e dytë që i dha qetësinë skuadrës së Luis Enrikes.
Në pjesën e dytë Toulouse tregoi agresivitet por parisienët lanë pak hapësira dhe menaxhuan rezultatin.
Në përfundim të sfidës, kapiteni i Francës foli edhe për të ardhmen e tij.
“Nuk e kam marrë akoma një vendim, por kemi një marrëveshje me presidentin Al Khelaifi, prandaj të gjitha palët duhet të jenë të qeta. E ardhmja ime nuk përbën një çështje në klub”, tha Mbape për mediat.
Sfida ndaj Toulouse ishte e veçantë për sulmuesin që shkon në 111 gola të shënuar me fanellën e PSG në “Park des Prince” dhe u bë edhe bombero më i mirë në sfidat në shtëpi duke lënë pas Kavanin.
25-vjeçari e bëri të qartë se ndihet mjaft i motivuar dhe se ka objektiva për të arritur.
Klan News
Të ngjashme