“Salah më i miri i Liverpoolit në histori, Gerrard nuk e fitoi kurrë titullin” – ish futbollisti anglez zgjedh egjiptianin

Chris Sutton, ish-futbollist anglez, tani analist për BBC, ka dhënë mendimin e tij se kush është lojtari më i mirë i Liverpoolit në historinë e Ligës Premier.

Kenny Dalglish konsiderohet lojtari më i mirë i të gjitha kohërave të Reds, por në epokën e Ligës Premier, Steven Gerrard e mbajti këtë status për vite me radhë.

“Ne të gjithë e dimë se çfarë do të thotë Steven Gerrard për Liverpoolin, por vetë fakti që po e bëjmë këtë debat tregon se çfarë ka bërë Salah në shtatë vjet në Anfield”.

“Që kur Salah erdhi në Liverpool, mendoj se ai ka qenë i jashtëzakonshëm”, ka thënë Sutton.

Salah ka një titull në Ligën Premier, ndërsa Gerrardit i mungon ai titull.

“Steven Gerrard ishte i mrekullueshëm, por ai kurrë nuk e fitoi titullin.  Unë mendoj se do të ishte shumë e vështirë të argumentohej se Mo Salah në epokën e Ligës Premier nuk është lojtari më i mirë i Liverpoolit ndonjëherë”, përfundoi Sutton i cili ka bërë karrierë me klube si Norwich City, Blackburn Rovers, Chelsea, Celtic, Birmingham City dhe Aston Villa.

Statistikat janë gjithashtu në favor të Salah. Ai ka luajtur 229 nga 239 ndeshjet e Liverpoolit në Ligën Premier që nga ardhja e tij, duke shënuar 196 gola. /Telegrafi/