Sinner mund për herë të parë Djokoviç

Serbi është ende në garë në finalet e ATP në Torino

Jannik Sinner mund për herë të parë Novak Djokoviç, duke ndalur kështu serinë prej 19 fitoresh radhazi të serbit.

Sinner u dha tifozëve italianë shumë emocione pas fitores në të tre sete në ndeshjen e së martës në Finalet e ATP që po mbahen në Torino.

Pas më shumë se tre orësh të një beteje të mprehtë, në të cilën asnjëri nga lojtarët nuk bëri një hap prapa, ishte numri 4 i botës, Sinner ai që shfrytëzoi mundësinë e tij në tie-break-in në setin vendimtar për të goditur më në fund rezistencën e Djokoviçit.

Sinner, 14 vjet më i ri i Djokoviçit, e përfundoi fitoren e tij të parë në karrierë kundër 24 herë kampionit të Grand Slam-it me një goditje të madhe, duke shkaktuar një brohoritje shurdhuese nga tifozët.

Ai kalon në krye të grupit edhe pse nuk i është garantuar ende një vend në gjysmëfinale përpara ndeshjes së tij të fundit kundër Holger Rune.

Më herët Stefanos Tsitsipas rezistoi mirë vetëm tre game ndaj Rune, përpara se të largohej mes vërshëllimave tallëse të publikut të zhgënjyer.

Tv Klan

Të ngjashme