Situata e zjarrit në Finiq, kundër flakëve edhe ushtria/ Ja si paraqitet situata

Situatë e vështirë si pasojë e zjarreve në Bashkinë e Finiqit. Autoritetet lokale, përfshirë edhe Prefektin e Vlorës, kanë kërkuar ndihmë nga ajri për të vendosur nën kontroll flakët, të cilët po i afrohen edhe banesave.

Në luftë me zjarret ndodhen zjarrfikëset nga Saranda, Delvina, që po mbështesin zjarrfikëset e Finiqit.

Gjithashtu në ndihmë të ekipeve zjarrfikëse ka shkuar edhe një mjet nga Himara dhe një tjetër nga Konispoli. Gjithashtu janë angazhuar edhe Forcat e Armatosura.

Për shkak të erës, flakët po shkojnë në drejtim të fshatrave Stjar dhe Matomar.

Kjo është cilësuar si situata më e rëndë e krijuar nga zjarret në qarkun e Vlorës.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb