Tjetër pistë merkatoje për Armando Brojën, Chelsea “e dhuron” në Portugali

Zëra që konfirmohen gjithnjë e më shumë nga mediat angleze, që tashmë zbulojnë një tjetër tentativë e ‘bluve të Londrës’. Ëndrra për të marrë në Londër, Antonio Silva nga Benfika mund të katapultojë Brojën tek skuadra portugeze. Këto të fundit kërkojnë rreth 85 milionë euro për kartonin e mbrojtësit, me Chelsea që është gati të ofrojë 55 milionë euro dhe kartonin e 22-vjeçarit shqiptar.

Trajneri Mauricio Pochettino e konsideron si thelbësor firmën me 20-vjeçarin, diçka që e konfirmon edhe përfshirja në këto përpjekje e kartonit të sulmuesit shqiptar. Kalimi në Portugali te një skuadër si Benfika mund të konsiderohej një kalim i përshtatshëm për Brojën, pasi do ta kishte më të lehtë për të treguar potencialin e tij tek një ekip me mjaft histori. Chelsea ende nuk ka marrë një vendim përfundimtar për sulmuesin shqiptar, që kërkon vazhdimësinë për të prenotuar një thirrje në kombëtare për Euro2024.