Tronditje në Gjermani: Vdiq në moshën 26-vjeçare lojtari që konsiderohej si një talent i madh

Bundesliga njoftoi sonte në faqen e saj zyrtare se Agyemang Diawusie, ish-përfaqësues i të rinjve të Gjermanisë dhe anëtar i disa klubeve të këtij vendi, ka vdekur në moshën 26-vjeçare.

“Bundesliga mban zi për humbjen e Agyemang Diawusie”, “Futbolli gjerman mban zi për humbjen e sulmuesit të Regensburg”, janë mbishkrimet në faqen zyrtare të Bundesligës dhe rrethanat e vdekjes së Diawusie nuk janë bërë ende të ditura.

Diawusie ishte anëtar i skuadrës së ligës së tretë gjermane Jahn Regensburg, e cila deri në verën e kaluar drejtohej nga trajneri boshnjak Mersad Selimbegoviç.

Nga ky klub kanë kërkuar që të respektohet privatësia e familjes së të ndjerit për shkak të situatës së tmerrshme që ka ndodhur.

Dikur futbollisti me origjinë nga Gana konsiderohej si një talent i madh, madje RB Leipzig e solli në akademinë e tyre prestigjioze, por në fund u largua nga klubi me një transfertë prej 500 mijë eurosh dhe u transferua në Ingolstadt.

Ai la gjurmët në Wehen, për të cilin u paraqit 55 herë dhe shënoi 6 gola me 16 asistime, si dhe luajti për Nurnberg dhe Dynamo Dresden, si dhe për Ried në Austri. /Telegrafi/

🕯️ Am heutigen Dienstag hat der SSV Jahn die schreckliche Nachricht erhalten, dass Jahn Profi Agyemang Diawusie im Alter von 25 Jahren verstorben ist. Der Verein ist geschockt und zutiefst betroffen über dieses tragische Ereignis. pic.twitter.com/hlh85RP54y

— SSV Jahn Regensburg (@SSVJAHN) November 28, 2023

Jahn Regensburg trauert um seinen Spieler Agyemang Diawusie. 🕊️ Der Jahn-Profi ist im Alter von 25 Jahren verstorben. Das gab der Verein am Abend bekannt. #SkySport #Diawusie pic.twitter.com/PuAInrzU7F

— Sky Sport (@SkySportDE) November 28, 2023