3 months ago
10
Kthimi i emigrantëve, për të rindërtuar jetën në Shqipëri është shumë i vështirë. Një histori e veçantë vjen nga Kukësi, ku një çift shqiptaro-çek kanë vendosur të ndërtojnë të ardhmen e tyre në Shqipëri, duke investuar në ndërtimin e një stalle në fshatin Gjegjan.
Natyra e bukur, klima e pastër dhe ditët me diell janë disa nga faktorët që ndikuan që Ardian Nërguti, së bashku me bashkëshorten e tij me origjinë çeke dhe vajzën e tyre të mitur të lënë Anglinë, për të jetuar në Shqipëri. Paula shprehet se Shqipëria është vendi ideal, ku dëshiron të rrisë vajzën e saj.
I gjendur 25 vite në emigrim, Ardiani rrëfen se me fitimet e nxjerra ndër vite do të ndërtojnë një stallë me 15 krerë gjedhë, por procedurat për marrjen e lejes së ndërtimit po i marrin shumë kohë, duke ulur kështu ritmin e punës së tyre.
Kukësi gjatë viteve të fundit është qarku më i prekur nga emigrimi masiv i të rinjve, ndërsa ata pak emigrantë që mendojnë rikthimin në vendlindje, përballen me pengesa që bllokojnë punën e tyre.
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
English (US) ·