Zvicra shtyn kualifikimin në Euro2024

Zvicra shtyn për në duelet e fundit kualifikimin në Euro2024. Kombëtarja Helvete ishte e pafuqishme për të ruajtur avantazhin ndaj Izraelit, përballje që përfundoi në barazim 1-1. Xherdan Shaqiri ndoqi të gjithë sfidën nga stoli, duke mos u preferuar të aktivizohej nga Yakin, teksa rekordi u vendos nga shqiptari tjetër, Granit Xhaka. Kapiteni bëri paraqitjen e tij të 119 për kombëtaren e Zvicrës, duke qenë futbollisti më shumë paraqitje në historinë e saj.

Me fanellën e përfaqësueses, Xhaka ka shënuar 14 gola, ndërsa debutoi për herë të parë në Qershorin e vitit 2011. Dy ndeshje nga fundi, Zvicra ndodhet në vendin e parë në grup, por matematikisht nuk e ka siguruar ende prezencën në turneun gjerman. Këtë gjë do ta kërkojnë ndaj Kosovës dhe Rumanisë në ndeshjen e fundit.