2 months ago
11
Dy anije të “Maersk” me 100 kontenierë me mbetje të rrezikshme të nisura nga Porti i Durrësit në 4 korrik dhe me destinacion Tajlandën kanë fikur sistemet e gjurmimit dhe vendndodhja e tyre mbetet e lokalizuar në det të hapur. Sipas të dhënave të deritanishme, besohet se dy anijet përmbajnë pluhur toksik që grumbullohet nga filtrat e furrave të çelikut.
Pasi lajmi është bërë publik në media, ka reaguar Drejtoria e Doganave ku përmes një deklarate bën me dije se në kuadër të bashkëpunimit me WCO dhe mbi bazën e informacioneve të shkëmbyera me Konventën e Bazelit dhe OLAF, kanë identifikuar një ngarkesë të dyshimtë, e cila është nisur nga Porti i Durrësit dhe ka bërë transhipment në Trieste dhe Pire. “DPD, OLAF dhe strukturat e tjera të përfshira po bashkëpunojnë aktivisht për të lokalizuar ngarkesën gjatë transportit dhe për të verifikuar nëse ngarkesa është mbetje”, thuhet në reagim.
Kodi i Kuq është lëshuar në gjithë botën, teksa grupet për Drejtësinë Ambientale kërkojnë ndalimin e anijes dhe kthimin e saj në Europë. Mirëpo situata nuk është kaq e thjeshtë sa në dukje.
Linja e transportit “Maersk”, e ndarë në dy anije që transporton këto mbetje të rrezikshme, kishte planifikuar që të ankoronte në Cape Town, në Afrikën e Jugut. Por, pas paralajmërimit të dhënë nga grupi ndërkombëtar i mbikëqyrjes “BAN” me bazë veprimi në Zvicër për shtetin afrikan, në datën 31 korrik u fik GPS i anijes sikurse raporton “bloomberg.com”. Në këtë mënyrë, ankorimi i planifikuar i saj u nuk u bë i mundur.
Afrika e Jugut ka nxjerrë në det disa skuadra kërkimi, por deri më tani raportohet se nuk është arritur të identifikohet anija “Maersk”.
Tajlanda paralajmëron kthimin pas të dy anijeve
Dy anijet pritet të mbërrijnë në brigjet tajlandeze mes 20 dhe 22 Gushtit. Autoritetet kanë paralajmëruar se “ngarkesa do kthehet mbrapsht” dhe kanë kontaktuar me homologët në Shqipëri, por edhe në Afrikën e Jugut.
Agjencitë përkatëse qeveritare “nuk janë njoftuar dhe nuk kanë dhënë pëlqimin për këto dërgesa”, tha në një email Departamenti i Punëve Industriale të Tajlandës, i cili mbikëqyr menaxhimin ndërkombëtar të mbetjeve. “Aktualisht jemi duke koordinuar dhe monitoruar për të parandaluar këtë trafik të paligjshëm”.
Ngarkimi u bë në Shqipëri, në Portin e Durrësit në datën 4 korrik, por nuk dihet ende nëse lënda toksike ka origjinë vendin tonë.
Çfarë përmbajnë 100 kontenierët?
Në dy anijet të cilat mësohet se ndodhen pranë porteve të Tajlandës, ndodhen 816 ton pluhur furre me hark elektrik. Lënda toksike u ngarkua në Portin e Durrësit dhe u transportua me anijet “MSC Mediterranean Shipping Company S.A drejt Triestes dhe me destinacion final Tajlandën. Pluhuri i furrës është një produkt mbetjesh i rrezikshëm që vjen nga riciklimi i skrapit të çelikut dhe përmban okside metalike toksike si Kadmiumi dhe Kromi, që janë të dëmshme për shëndetin dhe mjedisin.
Produktet kimike të cilësuara helmuese dhe kancerogjene, të dëmshme për shëndetin, dalin nga filtrimi i shkrirjes së çelikut në furrat metalurgjike.
Nuk dihet ende origjina e lëndës së rrezikshme. Ngarkesa ka dalë nga Porti i Durrësit në datën 4 korrik 2024.
(BalkanWeb)
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
English (US) ·