2 months ago
33
Policia e Shtetit ka bërë publike detaje të reja lidhur me ngjarjen e regjistruar një natë më parë në zonën e Rranxës.
Sipas komunikatës për shtyp, Policia thotë se autorët janë identifikuar por për shkak të hetimeve gjeneralitetet e tyre ende nuk mund të bëhet publike.
Efektivët bëjnë me dije se puna vijon për vënien para përgjegjësisë ligjore të 3 autorëve të dyshuar.
Teksa nga atentati kujtojmë që fatmirësisht nuk pati asnjë të lënduar.
Njoftimi i policisë:
Vau i Dejës
Policia identifikon personat e përfshirë në ngjarjen kriminale të ndodhur mbrëmjen e djeshme në fshatin Rranxë dhe për interes të hetimit nuk bëhen publike gjeneralitetet e tyre.
Vijojnë intensivisht kontrollet për kapjen e tre autorëve të dyshuar që qëlluan me armë zjarri ndaj një automjeti ku brenda tij ndodheshin dy shtetas. Nga të shtënat pati vetëm dëme materiale.
Në vijim të hetimeve intensive të kryera nga Sektori për Hetimin e Krimeve të Renda i Drejtorisë Vendore të Policisë Shkodër në bashkëpunim me Prokurorinë për zbardhjen e ngjarjes se ndodhur në fshatin Rrenxë të Vau të Dejës, është bërë e mundur identifikimi i palëve të përfshira dhe shpallja në kërkim e autorëve të dyshuar.
Grupi hetimor nën drejtimin e Prokurorisë vijon hetimet e thelluara për dokumentimin e plotë ligjor të këtij rasti.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme për veprat penale “Vrasja me paramendin“ e mbetur në tentative, kryer në bashkëpunim dhe “Prodhimi dhe mbajtja pa leje e armëve luftarake dhe municionit”
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
English (US) ·