Autori e thërret te makina dhe e qëllon nga pas, momenti kur plagoset i moshuari në Durrës, i biri: Agresori na kishte borxhe, donte të merrte peng babain!

3 months ago 7

Romir Hunda, djali i 70-vjeçarit të plagosur disa ditë më parë, Fadil Hunda deklaron se babai nuk është plagosur për shkak të një borxhi. Ai tha se autori iu kishte borxh dhe ka dashur që të marrë peng babain. “Babai pasi u qëllua me dy plumba nga autori Adil Hizsdri ka neutralizuar autorin 31-vjecar i cili donte ta merrte peng.”, tha i biri.

Gazetarja Klodjana Haxhiaj ka siguruar po ashtu dhe pamjet që tregojnë momentin e plagosjes së 70-vjeçarit. Ngjarja ndodhi në lagjjen 17 në orën 19 e 30 ditën e enjte. Gjithçka ndodh teksa autori i dyshuar, i thërret 70-vjeçarit dhe pasi flasin për disa sekonda, ky i fundit tenton të largohet.

Në video shfaqet autori, i cili me pistoletë në dorë qëllon nga pas 70-vjeçarin, i cili është në spital në gjendje të stabilizuar. I plagosuri i merr nga dora armën e zjarrit autorit, i cili kishte zbritur nga mjeti dhe e ndiqte. Mësohet se autori 31-vjeçar ka qenë ish-ushtarak në Zall-Herr.