Empoli lë në stol shqiptarët, toskanët barazojnë me Kaljarin
Kjo e shtunë mund të konsiderohet edhe si ajo e futbollistëve shqiptarë në Serie A italiane. Dy prej tyre luajtën si titullarë në takimet e zhvilluara pasditen e sotme, duke treguar nivel të lartë në fushën e lojës.
Atalanta e Berat Gjimshitit ia doli për të fituar 1-0 ndaj Leçes së Ylber Ramadanit. Dyshja kuqezi qëndroi në fushë për 90 minuta, ku zhvilluan një lojë mbi mesataren. Gjimshiti ishte ndër lojtarët më të vlerësuar në radhët e Atalantës, për të merituar notën 7.9.
Ndërkaq, Ramadani në mesin e fushës tregoi karakter dhe u ndëshkua me karton të verdhë. Ekspertët e vlerësuan paraqitjen e mesfushorit me notën 6.6. Për të dytin takim radhazi, shqiptarët mungojnë te Empoli.
Berisha, Ismajli dhe Shpendi ndoqën nga stoli barazimin pa gola në transfertën e Kaljarit. Një pikë që e mban skuadrën toskane në zonën e rënies nga kategoria.
Klan News
Të ngjashme