5 months ago
9
Kampioni aktual i botës me Argjentinën, Gonzalo Montiel, u akuzua se kishte përdhunuar një modele në festën e ditëlindjes së tij në vitin 2019.
Ndaj tij kanë vazhduar hetimet, ndërsa për akuzën e përmendur tani është urdhëruar t’i nënshtrohet ekzaminimeve psikiatrike.
Futbollisti i Nottingham Forest do të rikthehet në Argjentinë, ku do t’i nënshtrohet një ekzaminimi psikologjik dhe do të duhet të provojë pafajësinë e tij në gjykatë më 17 dhe 20 shtator në Buenos Aires.
Edhe një mik i lojtarit, Alexis Acosta, gjithashtu është akuzuar për të njëjtin krim dhe do t’i nënshtrohet të njëjtit ekzaminim dhe dëshmi të planifikuar për 2 dhe 5 shtator.
Nottingham Forest’s Gonzalo Montiel ordered to undergo a psychiatric evaluation amid rape probe… with defender accused of drugging and sexually assaulting a model at his birthday party in 2019 https://t.co/bZAVL5a6PV
— Mail Sport (@MailSport) May 17, 2024
Viktima pretendon se para sulmit seksual nga mbrojtësi i djathtë, është droguar dhe më pas është përdhunuar në grup në një festë ditëlindjeje të organizuar më 1 janar, e kombinuar me festën e Vitit të Ri.
Sipas dëshmisë së saj, të afërmit dhe miqtë e futbollistit e kërcënuan dhe kur kjo ndodhi, Montiel ishte ende futbollist i River Plate, ku u rrit, pas së cilës u transferua në Sevilla në vitin 2021.
Muajin e kaluar u shfaq një video në të cilën viktima tregonte se çfarë kishte ndodhur në të vërtetë.
“Unë jam Carolina, një modele dhe një zonjë që i mbijetoi një përdhunimi në grup, autori kryesor i të cilit ishte Gonzalo Montiel, njeriu që shënoi golin e fundit në Kupën e Botës. Ishte ditëlindja e tij dhe më ftoi në shtëpi. U takuam dhe ata më droguan , ndërsa nuk e humba vetëdijen, gjatë hetimeve u dëshmua se kam bërtitur gjatë festës, sepse askush nuk donte të shkonte në gjykatë me mua”, ka thënë ajo. /Telegrafi/
English (US) ·