Drejtori i Arkiva, njëherësh pedagogu Ardit Bido, ka reaguar lidhur me rastin e ndodhur sot para SPAK teksa jepej pretenca për Fredi Belerin.
Sipas Bidos, shoqërimi në polici i të riut që mbante në dorë flamurin e ashtëquajtur të Vorio Epirit, është absurd.
Reagimi i Bidos:
Mosdjegia e flamurit të “Vorio Epirit” është vepër penale!
Pamë sot një rast absurd ku një i ri u shoqërua në polici pse tentoi të digjte një copë beze që përfaqëson vrasjen e shqiptarëve dhe cënimin e integritetit territorial të Shqipërisë. Është e njëjta gjë si të shihnim dikënd të tentonte të digjte flamurin nazist dhe të shoqërohej në polici për veprime të mëtejshme proceduriale. As e njoh atë djal nga afër dhe as besoj te simbolikat e djegieve. Mirëpo, të shoqërohesh për tentativën e djegies së një beze urrejtjeje është absurditet në një vend ku bezën e urrejtjes e mbajnë pa të keq kandidatë politikë dhe nuk u hyn gjembi në këmbë. Mbajtja e asaj bezeje në zyra është vepër penale. Ngritja e thirrja në emër të tij është vepër penale. Mosdjegia e atij flamuri është vepër penale!
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb