Plagosje me armë në Peqin, në kërkim autori

Një plagosje me armë ka ndodhur mrbëmjene  sotme në qytetin e Peqinit.

Policia bën me dije se pas një konflikti të çastit mes dy personave një i ri ka qëlluar me armë ndaj një 41-vjeçari, duke e plagosur.

41-vjeçari është dërguar me urgjencë në spital ku ndodhet nën kujdesin e mjekëve jashtë rrezikut për jetën, ndërkohë është shpallur në kërkim autori.

Njoftimi:

Plagosi me armë zjarri një shtetas, Policia identifikon autorin dhe vijon puna për kapjen e tij.

Shërbimet e Komisariatit të Policisë Peqin, pas marrjes se njoftimit se në spitalin e Peqinit, është dërguar për mjekim, i plagosur në këmbë dyshohet me armë zjarri shtetasi Sh. C., rreth 41 vjeç, banues në Peqin, menjëherë kanë organizuar punën për identifikimin dhe kapjen e autorit të dyshuar.

Si rezultat i veprimeve të shpejta hetimore të kryera nga strukturat për Hetimin e Krimeve të Komisariatit të Policisë Peqin në bashkëpunim me shërbimet e Sektorit për Hetimin e Krimeve të Rënda të DVP Elbasan u bë identifikimi i autorit të dyshuar të ngjarjes, shtetasit A. T, 26 vjeç, i cili dyshohet se gjatë një konflikti për motive të dobëta, rreth orës 21:10, në lagjen “Xhami” Peqin, ka plagosur me armë zjarri në këmbë, shtetasin Sh. C., rreth 41 vjeç.

Shtetasi Sh. C., ndodhet në kujdesin e mjekëve, jashtë rrezikut për jetën.