Përfituan nga amnistia, ja sa të dënuar në burgun e Beratit fituan sot lirinë

27 të burgosur në IEVP Berat lanë sot qelitë dhe 33 të tjerë do të përfitojnë ulje të dënimit nga amnistia.

Sipas informacioneve, nga amnistia kanë përfituar të burgosur, të cilëve u ka mbetur pa vuajtur më pak se 4 vite nga përfundimi i dënimit. 33 të burgosur të tjerë në IEVP Berat kanë përfituar nga amnistia ulje të dënimit me 1.5 vite burg.

Lirimi i të burgosurve nga burgu i Beratit filloi në orën 13:00 dhe jashtë ambienteve të IEVP-së ata priteshin nga familjarët e tyre. Për arsye sigurie, gjatë procesit të lirimit nga burgu të të burgosurve që u prekën nga amnistia, kanë qenë edhe forca të shumta policie të DVP-së Berat.

Në burgun e Beratit janë rreth 180 të dënuar dhe të paraburgosur për vepra të ndryshme penale, nga këta 70% janë të burgosur me dënim të formës së prerë.
(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb