Phil Foden zgjidhet lojtari më i mirë i sezonit në Ligën Premier

Ylli anglez i Manchester Cityt, Phil Foden është votuar si lojtari i më i mirë i sezonit 2023/24 në Ligën Premier.  

Foden, vetëm 23 vjeç, ka qenë një pjesë kyçe e një skuadre të Manchester City, vetëm një fitore larg nga të qenit skuadra e parë në histori që fiton katër tituj radhazi në kampionatin elitare anglez.

Ai ka shënuar 17 gola dhe ka asistuar tetë të tjerë, duke kontribuar drejtpërdrejt në 25 gola në 34 paraqitje në Ligën Premier, për të ndihmuar Cityn të kryesojë tabelën me dy pikë larg Arsenalit një ndeshje pa u mbyll sezonit.

🥁 Give it up for your @EASPORTSFC Player of the Season…

✨ Phil Foden ✨#PLAwards | @ManCity pic.twitter.com/MGwkYu19Or

— Premier League (@premierleague) May 18, 2024

“Të fitosh këtë çmim është një arritje për të cilën jam jashtëzakonisht krenar. Liga Premier njihet si liga më e madhe në botë dhe është kënaqësi që jam nominuar me kaq shumë lojtarë të tjerë të mëdhenj që të gjithë kanë shijuar sezone të veçanta për klubet e tyre”, ka thënë Foden për faqen zyrtare të Cityt.

Ylli anglez ka luajtur si në qendër ashtu edhe në krah dhe ka qenë lojtari i dytë me më së shumti minuta në fushë për Cityn këtë sezon, duke u rritur në mungesë të Kevin De Bruyne, i cili ka humbur më shumë se gjysmën e ndeshjeve shkaku i lëndimit.

Në mars, menaxheri i Cityt, Pep Guardiola e quajti atë “lojtari më i mirë në Ligën Premier ” dhe nëse City mund West Ham United në ndeshjen e fundit, Foden do të jetë lojtari më i ri ndonjëherë që ka fituar gjashtë tituj të Ligën Premier.

Our very own @PhilFoden has been named the 2023/24 @premierleague Player of the Season! 🤩🩵

Congratulations Phil on an incredible achievement 👏 pic.twitter.com/49HuDocfnd

— Manchester City (@ManCity) May 18, 2024

Ndryshe, është sezoni i pestë radhazi që një yll i Cityt është lojtari më i mirë i sezonit. Erling Haaland e fitoi atë sezonin e kaluar, ndërsa De Bruyne e rrembue atë në sezonet 2019/20 dhe 2021/22, me Ruben Dias që e fitoi atë më 2020/21.

Foden fiton çmimin për herë të parë në karrierën e tij. Ai mposhti shtatë yje tjerë si Haaland, Alexander Isak, Martin Odegaard, Cole Palmer, Declan Rice, Virgil van Dijk dhe Ollie Watkins, pasi votat nga publiku u kombinuan me ato të një paneli ekspertësh të futbollit. /Telegrafi/

Winning awards. @PhilFoden has been doing it for years. 🏆#PLAwards | @EASPORTSFC pic.twitter.com/UeMGx5yovL

— Premier League (@premierleague) May 18, 2024