2 hours ago
12
Në Prokurorinë pranë Gjykatës së Shkallës së Parë të Juridiksionit të Përgjithshëm Elbasan u zhvillua këtë mesjavë një takim
pune mes zv .Drejtuesit të këtij institucioni, Xhelian Seferi, Drejtuese Seksioni ,Glenda Zeneli, Prokurorit ,Gëzim Spahiu, si edhe Drejtorit të IEVP Elbasan ,Altin Ago , Shefit të Policisë të IEVP Elbasan ,Vladimir Skënderi dhe Juristit të IEVP ,Elbasan ,Baki Sejdini.
Mes tyre u diskutua me shumë përgjegjësi rreth bashkëpunimit sa më efikas midis Prokurorisë dhe IEVP ,Elbasan. Me mjaft rëndësi gjatë këtij takimi ishte edhe diskutimi mbi krijimin e praktikave sa më të mira dhe në përputhje me ligjin mbi ekzekutimin dhe njoftimin e vendimeve, sjelljes së të paraburgosurve ne IEVP dhe dinamikës së vuajtjes së dënimit.
Me shumë profesionalizëm u diskutua edhe mbi çështjen e autorizimeve të familjarëve për zhvillimin e takimeve të tyre me të paraburgosurit në mënyrë që të mos lindin më problematika të cilat vitet e fundit nuk kanë qenë të pakta. Palët ranë dakord që në të ardhmen të shohin edhe mundësinë e nënshkrimit të një memorandumi bashkëpunimi i cili do të ndikojë pozitivisht në shumë aspekte të punës së këtyre institucioneve
Risi do të jetë marrja e informacioneve nga Prokuroria për sjelljen e të paraburgosurve gjatë qëndrimit në IEVP. Sjellja e tyre në IEVP bazuar në informacione tejet korrekte dhe të detajuara mund të merret parasysh në kërkesën që prokuroria do ti përcjellë Gjykatës për caktimin e dënimit të personit në hetim
Kjo është një risi dhe shpresohet se mund të zbatohet në një të ardhme të afërt bazuar natyrisht në ligj për vendosjen dhe inkurajimin e standarteve ndërkombëtare për të mos patur teprim në masën e dënimit .
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
English (US) ·