Shënon golin e 54 këtë vit, Ronaldo rekord pas rekordi

54 gola. Ky është rekordi që Cristiano Ronaldo ka vendosur këtë vit 2023, duke u bërë sulmuesi që shënon më së shumti në botë. Edhe pse në moshën 38-vjeçare, portugezi nuk di të ndalet.

Mbrëmjen e së shtunës, CR7 shënoi golin e radhës në Arabinë Saudite. Për raundin e 19-të në kampionat, Al Nassri i tij përmbysi 1-4 Al Taauon në udhëtim.

Të parët në avantazh kaluan vendasit, teksa Brozovic, Laporte, Otavio dhe Ronaldo përmbysën për miqtë. Ylli portugez nuk mund të gabonte në minutën e 90+2 kur pas një krosimi të Fofana kërceu mbi mbrojtjen dhe shënoi golin numër 54 këtë vit kalendarik.