Trajneri i Evertonit zbulon datën e rikthimit për Armando Brojën

Trajneri i Evertonit, Sean Dyche, më në fund ka dhënë një datë të përafërt për rikthimin e plotë të sulmuesit Armando Broja, i cili ka disa javë me probleme fizike.

Në konferencën e sotme për shtyp përpara ndeshjes me West Ham-in, tekniku ka zbuluar se Broja tashmë po bën stërvitje me topin në këmbë dhe se pas pushimit të Kombëtareve do të kryejë stërvitje të plotë me skuadrën.

“Armando Broja do të kthehet, patjetër. Fillimisht duhet të mbarojë pushimi i kombëtareve.

Këto ditë ai po rimerr ndjesinë e topit në këmbë. Sapo ka kaluar një dëmtim dhe i duhet të njihet me lojtarët e skuadrës.

Ka punuar shumë mirë deri tani”.

“Shpresoj që nga java e ardhshme do të jetë në fazën e stërvitjes së plotë dhe jo si lojtar i diferencuar. Sapo lojtarët të kthehen nga grumbullimi i kombëtareve, do të ndodhë”.