Tre kandidatët favorit që po përfliten si zëvendësues të Xavit tek Barcelona

Barcelona ka krijuar listën prej tre personave që janë favorit për të zëvendësuar në stol Xavi Hernandez, pasi situata e tij në klub mori një kthesë tjetër dhe tashmë e ardhmja e spanjollit është në rrezik të madh.

Është raportuar gjerësisht se Barcelona po e konsideron mundësinë e shkarkimit të Xavit në fund të sezonit pasi ish-mesfushori foli për gjendjen financiare të klubit.

Në muajin janar të këtij viti, Xavi kishte njoftuar për vendimin e tij për t’u larguar nga posti i trajnerit të Barcelonës në fund të sezonit, vetëm që më pas hierarkia e klubit ta bind atë të qëndrojë përtej verës.

Sidoqoftë, gazeta spanjolle AS ka raportuar se fjalët e Xavit lidhur me gjendjen financiare të klubit e kanë zemëruar Joan Laportan.

Xavi kishte thënë në një konferencë për shtyp se klubi duhet të shpenzojë para nëse ata nuk duan që situata të mbetet e tillë, teksa kishte shtuar se është mjaft e vështirë të konkurrosh ndaj Real Madridit dhe gjithashtu në Evropë.

Barcelona tani thuhet se është në gjueti për një trajner të ri, dhe AS shton se Rafa Marquez, Hansi Flick dhe Sergio Conceicao janë pjesë e listës së ngushtë të drejtuesve.

Ish-përzgjedhësi i Gjermanisë, Flick, më herët kishte pasur zëra se do të rikthehej tek Bayern Munich, ndërsa Marquez ka impresionuar në krye të të rinjve të Barcelonës./Telegrafi/