“U zgjova nga koma dhe pyeta: “A mund të luaj përsëri futboll?”

Sergio Rico u rikthye në fushë në tetor, në fitoren e Al Gharafa, në pronësi të Pedro Martins, në Champions League të Azisë, pas 492 ditësh teksa pësoi një aksident të rëndë kalërimi, i cili e la në koma për 26 ditë.

“Pas gjithçkaje që kam kaluar dhe gjithë kohës së rikuperimit, jam i lumtur që mund të shijoj futbollin, karrierën time. Shokët e mi më pritën shumë mirë. Dua të punoj për të vazhduar të shijoj karrierën time.

Ishin kohë të vështira, jo vetëm për mua, por edhe për familjen time. Kishte ditë që mjekët jepnin lajme shumë negative. Dhe pastaj vjen ai momenti i kthimit në fushë. Ishte shumë i bukur, një moment unik”,- ka rrëfyer ai në një intervistë për AS .

Portieri spanjol ishte titullar në fitoren e Al Gharafa në Champions League të Azisë

“Kam vetëm fjalë falënderimi për futbollin. Ishte, pjesërisht, ai që më shtyu të luftoja në kohët më të vështira. Nëse nuk do të kisha pasur futbollin, do të isha dorëzuar më shpejt. Ose trupi im nuk do të reagonte.

Në fillim isha në gjumë dhe nuk vura re asgjë. Ata që vuajtën ishin ata që më donin mua, familja ime, gruaja, miqtë… Janë ata që morën lajmin e keq”,- vazhdoi ai duke folur për momentin kur u zgjua.

Portieri i PSG-së pësoi një dëmtim traumatik të trurit dhe iu nënshtrua një operacioni për një aneurizëm të trurit pas rënies nga një kali.

“Nuk kam kujtesë të qartë, por jam qetësuar. Kjo është më shumë për shkak të asaj që më thanë. Gruaja ime më tha se gjëja e parë që pyeta kur u zgjova nga koma ishte: “A mund të luaj sërish futboll?”,- tha ai.

“Unë ende doja të luaja futboll më shumë, pas asaj që ndodhi. Katari? Qyteti i Dohas është shumë i mirë dhe ishte një mundësi për të luajtur në Champions League të Azisë. Një përvojë e re”, tha ai.