Ylli i Arsenali konfirmon largimin, dërgon mesazh të bukur për tifozët 

Mohamed Elneny, lojtari aktual më jetëgjatë i Arsenalit, ka konfirmuar se do të largohet nga klubi këtë verë pas tetë vitesh e gjysmë.

Mesfushori egjiptian, 31 vjeç, është në veri të Londrës që nga viti 2016, por zyrtarisht do t’i japë lamtumirën Topçinjve kur kontrata e tij të përfundojë në fund të sezonit.

Në një video të përzemërt drejtuar tifozëve të Arsenalit në rrjetet sociale, Elneny shfaqi ndjenjat e tij për këtë lamtumirë.

“Topçinj, unë jam këtu sot për t’ju dërguar një mesazh, për t’ju thënë lamtumirë dhe ju falënderoj për gjithçka që keni bërë për mua”.

“Dashuria, mbështetja dhe mirësia. Me të vërtetë do të më mungoni shumë dhe do të jeni përgjithmonë në zemrën time”.

“Doja të të thosha se sa shumë ju dua, sa shumë do të thotë për mua dhe nuk do ta harroj kurrë mënyrën se si më mbështetet”.

“Do të ju shoh të dielën në Emirates Stadium për t’ju thënë lamtumirë ballë për ballë”, ka thënë Elneny në një video emocionuese.

Thank you Gooner @Arsenal ❤️ pic.twitter.com/CQv9hyNxPp

— Mohamed ELNeny (@ElNennY) May 17, 2024

Elneny është lojtari më jetëgjatë i Arsenalit, pasi u bashkua ekipit në janar 2016, dhe është gjithashtu i fundit nga nënshkrimet e Arsene Wengerit që është ende në klub.

Shkalla e punës, qëndrimi dhe përkushtimi i mesfushorit ndaj skuadrës e bëri atë një figurë të njohur në mesin e disa prej më besnikëve të Arsenalit, si dhe mes shokëve të tij të skuadrës.

Emri i Elneny këndohet rregullisht nga tifozët e Arsenalit dhe pas 161 paraqitjeve në gati tetë vjet, ai me siguri do të ketë një pritje të ngrohtë teksa i jep lamtumirën ekipit. /Telegrafi/