Zbardhja e vendimit për logon e PD, reagon Basha: Nuk e pranojmë padrejtësinë, rekurs i menjëhershëm në Gjykatën e Lartë!

Lulzim Basha ka reaguar pas zbardhjes së vendimit të 11 Qershorit, i cili riktheu logon dhe vulën e Partisë Demokratike te Sali Berisha.

Duke e cilësuar vendimin si “skandaloz”, Basha u shpreh se zbardhja e tij i hap rrugë rekursit të menjëhershëm nga ana e tij në Gjykatën e Lartë.

Ai theksoi se “nuk do të pranojë padrejtësinë” dhe se Shqipëria meriton më shumë”.

“Zbardhja e vendimit skandaloz të 11 qershorit, i hapë rrugë rekursit tonë të menjëhershëm në Gjykatë të Lartë.
Ne nuk e pranojmë padrejtësinë. Shqipëria meriton më shumë”, shkroi Basha në Facebook.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb