Burri denoncim bashkëshorten që u largua nga banesa me 2 fëmijët, Prokuroria nis procedimin në gjendje të lirë

Një 29-vjeçare, nënë e dy fëmijëve të mitur është proceduar penalisht nga Prokuroria.

Sipas informacioneve nga Drejtoria Vendore e Policisë së Shkodrës, shtetasi D.L., bashkëshorti i 29-vjeçar ka bërë një kallëzim pasi ajo ishte larguar nga banesa dhe kishte shkuar tek prindërit e saj.

29-vjeçarja ka ikur së bashku me 2 fëmijët e mitur, 3 dhe 1 vjeç.

Njoftimi i policis:

Komisariati i Policisë Shkodër referoi materialet në Prokurori ku filloi procedimi në gjendje të lirë për shtetasen K. M., 29 vjeçe, banues në Shkodër, pasi ka bërë kallëzim bashkëshorti i saj shtetasi D. L., banues në Shkodër, se 29-vjeçarja, bashkë me me dy fëmijët e tyre të mitur 3 vjeç dhe 1 vjeç, është larguar te shtëpia e prindërve të saj.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb