City dhe Barcelona në prag, Tchouameni: Kam besim te ekipi, Reali ka forcën për t’ia dalë mbanë

Mesfushori i Real Madrid, Tchouameni dha mendimin e tij para ndeshjes ndaj Cityt në Champions dhe ndaj Barcelonës në kampionat.

“Kemi një ndeshje të rëndësishme kundër Manchester City të mërkurën. Ne kemi një skuadër me shumë cilësi dhe e dimë që në fund çdo lojtar do të tregojë cilësitë e tij, do të shënojë gol dhe do ta ndihmojë skuadrën të marrë tre pikët. Gjithmonë themi se ndeshja e radhës është më e rëndësishmja e sezonit, megjithatë tani kemi ndeshje kundër Manchester City, pastaj do të jetë tjetra kundër Barcelona në kampionat, por të gjitha janë të rëndësishme” – Tha ai.