E nisi sezonin si portieri i tretë, tani është e pabesueshme se si ai u bë hero i Real Madridit

Real Madridi kaloi në gjysmëfinale të Ligës së Kampionëve duke eliminuar kampionin aktual Manchester City, pas penalltive, pasi në dy ndeshje rezultati ishte i barabartë 4-4.

Në fund, spanjollët ishin më të suksesshëm me penallti, ku Real Madridi fitoi 4-3.

Portieri i Real Madridit, Andrij Lunin, priti dy penallti – të Mateo Kovacic dhe Bernado Silvas.

Ukrainasi, i cili mbushi 25 vjeç në shkurt, e nisi sezonin si portieri i tretë i Los Blancos.

Thibaut Courtois dhe Kepa Arrizabalaga ishin përpara tij në hierarki. Pra, shanset e Luninit për t’u mbrojtur këtë sezon për Realin në ndeshje serioze ishin minimale.

Belgu është “njëshi” i padiskutueshëm i Real Madridit kur është shëndoshë e mirë, por ka kohë që nuk është kështu.

Courtois e lëndoi rëndë gjurin verën e kaluar. Ai duhej të rikuperohej këtë pranverë, por pasoi një tjetër dëmtim i rëndë. Ai nuk u mbrojti fare këtë sezon dhe Kepa dhe Lunin ndanë minutat.

Kepa, portieri i njohur dhe shumë më i shtrenjtë se ukrainasi, që u pagua 8.5 milionë euro, kishte avantazhin, por nuk tregoi cilësi.

📈 | TOP PERFORMANCES

Andriy Lunin dominates this season’s #UCL knockout stage! 🇺🇦🧤

Real Madrid’s shot-stopper is now the owner of two highest-rated performances in UEFA Champions League in 2024, becoming a crucial part of yet another Los Blancos’ title charge. 👏👏 pic.twitter.com/CEmOKMuVyu

— Sofascore (@SofascoreINT) April 18, 2024

Në dy ndeshjet e fundit për Real Madridin, ai pësoi pesë gola – tre nga Atletico Madrid dhe dy nga Almeria, e cila me siguri do të zbresë nga La Liga.

Ishte në janar të këtij viti dhe pikërisht atëherë Ancelotti vendosi që Lunin të ishte zgjedhja e tij e parë në portë.

Ukrainasi e justifikoi besimin me paraqitje të shkëlqyera, sidomos në Ligën e Kampionëve.

Ai kishte nëntë pritje kundër RB Leipzig, dhe mbrëmë në “Etihad” ai grumbulloi tetë me dy penallti të pritura.

Players showing love to Lunin as they should. Hero of yesterday's night. pic.twitter.com/ADO2eqYzbc

— Dr Yash  (@YashRMFC) April 18, 2024

“Unë jam njeriu më i lumtur në botë. Puna ime e palodhur është shpërblyer. Jam i lumtur sepse mund të ndihmoj Realin dhe dua të falënderoj shokët e skuadrës për mbështetjen e tyre”, ka thënë Lunin pas ndeshjes. /Telegrafi/