“Lunin është brenda portës dhe topi ndihet sikur ka kaluar vijën” – eksperti i referimit jep mendimin e tij për momentin e shumëpërfolur

Real Madrid mundi Barcelonën me rezultat 3-2 në “El Clasico” në stadiumin “Santiago Bernabeu” për të siguruar pothuajse titullin e La Ligas.

Vinicius Junior, Lucas Vazquez dhe Jude Bellingham shënuan për Los Blancos, ndërsa Andreas Christensen dhe Fermin Lopez shënuan për Blaugranat.

Real Madridi tani la 11 pikë më shumë se Barcelona së vendit të dytë, kur kanë mbetur edhe gjashtë xhiro deri në fund.

Por një moment shumë i përfolur, ishte ‘goli’ i tretë i ndeshjes që e shënoi Lamine Yamal në minutën e 27-të. Të paktën kështu dukej nga xhirimet.

تابع الحساب الاساسي : @iT7HD pic.twitter.com/sgcSvxv3Eu

— كلاسيكو الارض (@LynasLesli4195) April 21, 2024

Pasi mungon teknologjia e njohur si ‘goal-line’, rasti u rishikua në VAR, ku gjyqtarët konkluduan se Andriy Lunin e largoi topin nga vija e portës para se të kalonte i plotë vijën.

Ish gjyqtari i njohur spanjoll, Marce Alfonso Perez Burrull, ka thënë se në pamje dukej që ishte gol i rregullt.

“Ne nuk kemi teknologjinë për t’iu përgjigjur kësaj pyetjeje, por duket se topi kaloi plotësisht vijën ku edhe Lunin ishte brenda porte. Nëse gjyqtarët nuk janë të sigurt se është gol, atëherë vendimi me rregulla është i saktë”, ka thënë Perez Burrull. /Telegrafi/