“Rodri do të pushojë edhe ndaj Real Madridi” – Guardiola bën shaka para përballjes së sezonit

Pas barazimit 3-3 të Manchester City kundër Real Madridit, mesfushori Rodri i kishte kërkuar Pep Guardiolës që t’i jepte pak pushim pasi ndihej i rraskapitur.

Prandaj, shefi i Man Cityt nuk e përfshiu spanjollin në formacionin e tij fillestar në fitoren 5-1 kundër Luton Town të shtunën.

Mbrojtësi holandez Nathan Ake dhe anglezi Kyle Walker u rikthyen në skuadër sot pasi u lanë jashtë ndeshjes në Ligës së Kampionëve për shkak të lëndimit.

John Stones gjithashtu u pushua ndeshjen e sotme, por trajneri konfirmoi se anglez kishte disa probleme.

“John ka disa probleme. Ai është mirë. Ai nuk është i lënduar, por nuk ndihet rehat, kështu që ne nuk rrezikuam. Nathan dhe Kyle i doja në bankinë, kështu që i thashë, ‘në rregull, shkoni në bankinë’”.

Kur u pyet nëse Rodri përfitoi pasi pushoi shumë, Guardiola shtoi: “Absolutisht. Ai do të pushojë edhe të mërkurën. Më besoni?”.

Kampionët në fuqi të Anglisë do të përballen me Los Blancos në ndeshjen e dytë në Etihad Stadium të mërkurën përpara se të takohen me Chelsean në gjysmëfinalen e FA Cup më 20 prill. /Telegrafi/