E rëndë në Kosovë! Një 14-vjeçare dyshohet se u drogua dhe dhunua nga disa persona në Prishtinë

Një ngjarje e rëndë raportohet të ketë ndodhur mbrëmë pas mesnate në kryeqytetin e Kosovës, Prishtinë. Dyshohet se një vajzë 14-vjeçare është dhunuar nga disa persona.

Fillimisht siç raporton Sinjali, ata e kishin detyruar viktimën të konsumonte substanca narkotike.

Ngjarja ka ndodhur në një objekt në ndërtim e sipër në rrugën “Tirana” në Prishtinë.

Lidhur me rastin është lajmëruar edhe policia. Më tej siç raportohet, e mitura është gjetur diku në një rrugë të kryeqytetit në orët e mëngjesit dhe më pas është njoftuar Policia.

Me urdhër të Prokurorit të Shtetit, hetimi tashmë është iniciuar dhe po ndërmerren veprimet e nevojshme për zbardhjen e rrethanave të rastit.

(Balkanweb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb