Për çfarë do të protestohet më 19 nëntor? Dhori: Edhe për drejtësinë që po përdoret…

Deputetja demokrate, Ilda Dhori, në rubrikën Opinion në News24 tha se janë disa arsye që opozita ka thirrur protestën në 19 nëntor dhe s’ka të bëjë vetëm me pr/buxhetin.

Në këtë kuadër, Dhori  tha se në 19 nëntor do të protestohet edhe për drejtësinë, e cila po përdoret për të goditur politikisht elementë të opozitës, ku kulmi arriti me burgosjen e Ervin Salianjit. “Salianji po vuan një dënim sepse ka denoncuar lidhjet ekrimit të  vëllait të ministrit të Brendshëm”, tha Dhori.

Sipas saj, opozita nuk ka thyer mosbindjen civile duke u rikthyer në Kuvend me nisjen e diskutimeve lidhur me buxhetin 2025,  pasi nuk ra në kurthin e ngritur nga mazhoranca.

“Ne do të vijojmë aksionin opozitar, kishim detyrime ndaj qytetarëve shqiptarë dhe nuk ramë në kurthin e mazhorancës”, tha ajo.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb